قصه سااخره عن زوجه اعتزلت الهزار فى المواضيع الحساسه!!+20

انا طبيبه  وازعم انى طبيبه ناجحه وربنا رزقنى بزوج طيب جدا ومتفهم لظروف شغلى الى فعلا اقل ما يقال عليها ظروف شغل مجنونه جدا !! المهم جاتنى دعوه لحضور مؤتمر فى ايطاليا وكنت هموت واحضر المؤتمر دا قعدت اقنع زوجى انى لازم اسافر وطبعا حصلت ثوره مهوله فى البيت واضطريت اعمل كونسلتو من دكاتره كبار فى السن عشان يقنعوه ابويا وخالى كانو من ضمن الطقم دا!! على مضض وافق زوجى !! بس بارده دخلنا فى خناقه تانيه انه هوا الى  يوصلنى المطار!!
                                               
                                       ⇩⇩⇩⇩⇩⇩⇩⇩⇩⇩⇩⇩ 
سايق العربيه وهو قافل مش عاوز يبصلى وانا عماله اهزر معاه وادحكه كدا عشان ممشيش وهوا زعلان قلتله تحب اجيبلك ايه من ايطاليا وانا راجعه اى حاجه هتعوزها هجيبهالك!!
رد عليا كدا وهوا شبه مبتسم وقال:
الزوج: عاوز بنت ايطاليه كدا حلوه وانتى راجعه فى ايدك!!
انا معرفتش ارد عليه الصراحه والعصبى مسكنى فسكت على اما الاقى الرد المناسب وكنا وصلنا المطار وودعته واتكلت على الله وسافرت
                                     ⇩⇩⇩⇩⇩⇩⇩⇩⇩⇩⇩⇩ 

كانو 10 ايام مجهدين وحلوين بارده ايطاليا جوها هايل وواشتريت للراجل الى  تعب معايا فى مصر هدايا حلوه ساعه غاليه على جزمه على طقم جرافتات وسمعت صوت الطياره تعرفنا اننا  وصلنا  لمصر واخدت نفسى عشان استعد للنزول..

                                     ⇩⇩⇩⇩⇩⇩⇩⇩⇩⇩⇩⇩ 

وانا جوه العربيه تانى وجوزى المره دى كان مكتوم ومتغاظ لدرجة انى حاسه انى وشى بدا يتحرق من النفس الى بيطلعه جنبى وواضح انهم كانو ايام صعبه عليه وعلى الاولاد فى البيت المهم بارده بحاول افتح معاه مواضيع وهوا ردوده كانت بارده جدا ووريته الهدايا الغاليه الى جبتهالو بس هوا كان بارد لدرجه دايقتنى!! وبعدين لقيته بعد شويه بيقلى

الزوج: مجبتيش ليه الحاجه الى قلتلك عليها

انا : حاجة ايه؟

الزوج: مش قلتلك ارجعيلى ببنت ايطاليه حلوه على ذوقك

                                   ⇩⇩⇩⇩⇩⇩⇩⇩⇩⇩⇩⇩ 

فيه لحظات فى الحياه بتبقى فارقه او كلمات بتبقى فارقه فى حياة الانسان بتحول مصيره بالكامل وساعات فجأه يجيلك رد او أفيّه متقدرش تقاومه!! بدون نظر للكوارث الى ممكن تحصل ودا بالظبط الى حصل لانى بكل بساطه وبابتسامه بريئه ونيه صافيه لما لقيته ابتدا يتكلم معايا قلت اهيص شويه معاه وادحكه فرديت  وقلتله:

انا: ياحيبى انا منساش اى حاجه تطلبها منى بالنسبه للبنت الايطاليه فهنضطر نستنى 9 شهور على اما نعرف هيا بنت ولا ولد بس انا فى ايطاليا عملت الى عليا وزياده!!

 والى حصل باختصار فرمله على صوت عالى على طقم شتايم على الهديا وشنطتى وكرامتى وهدومى بتتحدف  فوق دماغى!!

وانا عماله اقول لنفسى يخرب بيت  يوم  ما فكرت اهزر هزار الدكاتره الى هيخرب بيتى دا ☺☺☺☺☺☺☺☺✌!!