كان يوم ثلاثاء اول يوم شغل بعد الموافقه على تعيينى واستلمت اليونيفورم بتاعى والاى دى الى علقته على صدرى .. الى بيثبت انى موظف استقبال فى مول بريستيج" خاص بالاطفال من يوم ميلادهم لغاية سن 10 سنوات".. المهم المول فتح ابوابه والزباين دخلت والدنيا كانت ماشيه تمام ..
⇩⇩⇩⇩⇩⇩⇩⇩⇩
ببص على ساعتى لقيت عدى عليا ساعتين ومحستش بيهم من ضغط الشغل وبصراحه مكنتش متعود على المعامله مع الجماهير بالذات لو ستات بيبقو متعبين شويه فى الشوبنج ومحتاجين معامله خاصه ..وفجأه لقيت ام شعرها اصفر او هيا لابسه باروكه !!ونازله من عربيه غاليه جدا ووشها ابيض واحمر منفوخ اوى ما شالله العز باين عليها وساحبه فى ايديها ولدين .. ومن وقت ما دخلت عماله تزعق فى اولادها بشكل مستفز وبتتعامل بطريقه اوفر اوى الصراحه مع الكل.. وفجأه بدأت تشتبك مع العمال والموظفين فقررت اتدخل عشان اهديها شويه والامور تمشى ..
⇩⇩⇩⇩⇩⇩⇩⇩⇩
المهم روحتلها اقدم مساعدتى عشان وظيفتى كدا فمضطر استحمل فقلت ابتدى التحيه وبعض كلمات المجامله:
انا : اهلا يافندم نورتى المول ماشا الله اولادك زى القمر وشبه بعض هما توأم!!
طبعا كان الولدين فيهم شبه من بعض بس كان فيه فرق فى الجسم والملامح فلقيتها ردت عليا:
العميله: طبعا لا الكبير عنده 9 سنين والصغير عنده 7 هوا انت اعمى ولا غبى!!
لحظات من الصمت سادت المكان والعمال والمشرفين والزباين اتصلبو فى مكانهم وترمى الابره يامؤمن ترن !! مش عارف ازاى كله سكت مره واحده وكله بيبص لوشى الى ابتدى يحمر تدريجى .. فلقيت نفسى برد عليها رد حتى انا مستوعبتوش!! فقلتلها:
انا : لا انا اعمى ولا غبى يافندم انا بس قلت توأم عشان مش متخيل ان ممكن راجل يخلف منك وبعدين يرجع يعيد التجربه معاكى تانى!!✌✌✌✌✌✌✌☺☺
0 تعليقات