انا وحبيبتى" كيارا" ديانتنا هيا "الهندوسيه" عملنا حادث سياره لما ابن عمى الغبى اصر يخمس بينا بالعربيه لحد ما طيرنا من فوق الكوبرى انا وخطيبتى قعدنا فى العنايه المركزه ساعه وبعدها اتنقلنا هنا وابن عمى تقريبا عاش او راح فين مش عارف لكن الى اعرفه انى حاليا ماسك ايد حبيبتى وواقفين قدام باب الجنه مستنيين الملاك الى هيوصلنا لاماكنا.. المشكله اننا مكتبناش عقد الزواج امام راهب لسه فلازم نسأل هل ينفع نتجوز فى الجنه ولا لا ?
⇩⇩⇩⇩⇩⇩⇩⇩⇩⇩⇩
مش عارف!! .. قالها الملاك وهو متحير وبعدين قال تانى .. سيبونى اسألكم بس الموضوع ياخد وقت هتقعدو على باب الجنه الى ان ارجع مهما طال الوقت..
وافقنا طبعا وغاب الملاك لمدة 3 شهور وخلال الفتره دى بدأنا نتناقش انا وخطيبتى فى حاجات كتير ياترى هنفضل هنا على طول ياترى مين بيته احسن فى الجنه ونتناقش فى مواضيع كتير لغاية ما تقريبا وصلنا للسؤال المهم.. هل ينفع نطلق فى الجنه وكل واحد يروح لحاله!!
⇩⇩⇩⇩⇩⇩⇩⇩⇩⇩⇩
نعم !! قالها الملاك وهو متنرفز جدا بعد ما وجهت خطيبتى السؤال ليه ..
كيارا: هو حضرت متنرفز ليه!! احنا ممكن نستنى تانى مش مستعجلين على باب الجنه لحد ما تسأل وتعرف الاجابه.
الملاك: يبنتى انا مش متنرفز عشان هدور على اجابه لسؤالكم انا متنرفز عشان انا قعدت ادور 3 شهور جوه فى الجنه لحد مالقيت راهب وبيشتغل موظف حكومى فى محكمة الاسره اخد رايه.. تفتكرى هقعد ادور قد ايه جوه على اما الاقى محامى!!☺☺☺☺☺☺
0 تعليقات