السنه الخامسه لذكرى زواجى تمر عليا دون عمل احتفال . انا بمر بفتره حرجه من علاقتى بزوجى اصبح التفاهم بينا صعب جدا .. سعة صدره وتفهمه قل كتير .كلامه بقى عباره عن اوامر فى الاغلب . حاسه انى بقيت موظفه عنده !!! الاسوأ ان اعصابه بقت بتفلت منه وبيغضب جدا وانا مبقتش عارفه احل الامور دى لذلك قررت انى اروح لطبيب نفسى اخد مشورته.
⇩⇩⇩⇩⇩⇩⇩⇩⇩
جالس امامى الطبيب وابتديت احكيله ملخص حياتى فى اخر خمس سنوات والمواقف الى مريت بيها مع زوجى والى بيدعى انى انا السبب فى اعصابه الى باظت وبعدين سالت الدكتور:
انا: تفتكر زوجى محتاج علاج نفسى يادكتور؟
الطبيب: لا ولا علاج ولا حاجه انا هقلك على اسلوب فى التعامل معاه لو طبقتيه كل عصبيته هتنتهى.
انا: ياريت ياترى ايه؟
الطبيب: كل اما يدخل عليكى وتلاقيه بيزعق قومى واخده كوبايه ميه وشاربه الميه وكررى العمليه دى كتير كوبايه ورا كوبايه على قد ما تقدرى!!.
روحت بيتى وانا مستغربه من كلامه وحسيت انه اتنصب عليا بس قررت انفذ نصيحته واشوف اخرتها ايه!!
⇩⇩⇩⇩⇩⇩⇩⇩⇩
تستغربو لو قلتلكم الطريقه دى نفعت جدا وزوجى بقى بيتجنب انه يتعصب عليا وخناقاته قلت كتير المهم رجعت للدكتور وقلتله:
انا: يادكتور انت عبقرى الطريقه دى نجحت تماما بس انا مستغربه ازاى !
الطبيب: ابدا كل الحكايه انى شغلتك بشرب الميه فمعتيش بتردى ردود مستفزه على زوجك فبتنتهى المشكله ☺☺☺✌✌
0 تعليقات