عجوز جارنا وعنده حوش فى البيت كان بيزرعه وعايش الدور اوى انه مزارع !!وكان له ابن وحيد فى السجن عشان كان شقى جدا وكان متورط فى قضايا كتير سلاح وبلطجه واثار بس كان بالرغم من شره دا كان بيحب ابوه اوى ..
المهم الراجل دا زى ما ابويا حكالى جه عليه سنه بس كانت صحته قلت شويه ومعدش قادر فبعت لابنه جواب فى السجن وكتبله:
الاب: واحشنى اوى يابنى وبعدك واجع قلبى انت عارف انا كنت عاوز ازرع الارض بس سنى كبر ومعدتش قادر احفر لو انت معايا دلوقتى كان زمانك حفرت وحرثت.
بعدها ابنه رد عليه وبعتله جواب من السجن وكتب فيه :-
الابن: ياحاج ارحمنى و ابوس ايدك وصوابع رجليك متودنيش فى داهيه سيب ام ال10 متر دول فى حالهم ومتحفرش لان انا دافن جواها البضاعه!!
المهم البوليس الفرنساوى عرف و هجم على حوش الراجل العجوز وقعدو يحفرو الحوش كله يدورو على البضاعه وملقوش حاجه ومشيو !!
والابن بعت جواب تانى لابوه وقاله:-
الابن: ازرع ياحاج زى مانتا عاوز ولا تخلى حاجه تزعلك ☺☺☺☺☺☺✌
0 تعليقات