قصه ساخره عن سؤال ما هوا الراتب المتوقع ؟ !!

انا شاب متخرج بقالى سنه من كلية الهندسه بتقدير جيد اليوم اجلس فى صالة العملاء لشركه مرموقه منتظرا دورى للدخول
لانى ساقابل hr مسئول الموارد البشريه المسئول عن التعيينات ..متحفز لاول مقابله ليا فى حياتى المهنيه .. اراجع واذاكر داخل عقلى جميع النصائح والمعلومات .. 
اهم حاجه الثقه فى النفس والشخصيه والمظهر العام .شيكت على نفسى تانى وعلى نظافة جزمتى قبل ما اسمع السكرتيره بتقولى اتفضل حضرتك ادخل المكتب اخر الهول يمين.
                                  ⤋⤋⤋⤋⤋⤋⤋⤋

ابيض اللون منتفخ الوجه جالس بهدوء تحت درجة حراره تقريبا تحت الصفر لان التكييف على اقل درجه وهواه بيضرب فى وشى لما مناخيرى تقريبا تجمدت تماما .. وانا مشبك ايديا وبنظر اليه وهو عمال يكتب فى ورق ومنتظر انه يتكلم معايا.
بالفعل اخيرا بصلى وبدأ يدردش معايا شويه ويعرف خريج سنة  كام ومعلوماتى وخبراتى , وكل شىء كان ماشى تمام لحد ما سالنى السؤال الاخطر فى العالم!! السؤال الى بيكشف الحقيقه من الوهم !! وبيحط الانسان قدام مفترق الطريق!!  سمعت السؤال من صوت ال hr بشكل عميق وبطىء وهو بيقول.. ما هوا الراتب المتوقع  بالنسبالك؟؟
بسرعه كل نصايح زمايلى والجيران وعم محمود البقال وعمال الكافيه  "على الى بيحطلى الولعه ومحمد زميله الى بيجبلى القهوه دايما بايظه ووشها ساقط".. كلهم اجمعو انى لازم اطلع لفوق وامسك سعر كويس
المهم اخدت نفس عميق كدا وحاولت اهدى ومضحكش وبكل برود قلتله "انا متوقع راتب بالنسبه لشركتكم المحترمه من 8000 الاف الى 10 الاف فى الشهر"..
                                  ⤋⤋⤋⤋⤋⤋⤋⤋
لحظات من الصمت والhr بينظرلى بهدوء وبيبلع ريقه ببطء وهوا بيتأملنى وبعديها قالى.."انسى الراتب انا عاوزك تبقى طموح قبل الفلوس مش لازم تعرف الاول الشركه هتوفرلك ايه!! بالذات انك لسه حديث التخرج" .. 
ايه !!.. سالته بسرعه .. 
رد عليا ..اوكى، "هتاخد فى السنه 5 أسابيع إجازة ، 14 يومًا مدفوع الأجر ، طبيًا كاملًا وطب أسنان ، ومعاش التقاعد مقابل 50٪ من راتبك دا اذا حضرتك قضيت حياتك الوظيفيه معانا، وسيارة شركة مستأجرة كل سنتين - - ، ممكن تكون سيارة BMW "

واااو!! .حضرتك بتهزر مش كدا !! قلتها غصب عنى وانا بتعدل فى جلستى..
بعدين لقيته بيبتسم

ورد عليا ايوا بس انت الى ابتديت الهزار ☺☺☺☺☺☺