قصه ساخره عن ابنى تزوج السكرتيره!!

ابنى رجل اعمال ناجح لكن  فى الزواج من وجهة نظرى مش بنفس الدرجه حظه  قليل فى الستات المهم اننا بعد طلاقه كنت عماله ازن عليه يتجوز تانى بس هوا كاان رافض وعنيد جدا لدرجة انه استقر فى الاسكندريه وساب القاهره ونقل كل شغله هناك لكن انا  حسيت كدا ان العند دا وراه حاجه  فقلتله انا عاوزه اجيلك يوم زياره تعزمنى فيه  فى بيتك الجديد فقالى :
الابن: يماما  يسلام تعالى انا شقتى على البحر  الجو هيعجبك اوى

الام:  تمام بس هتأكلنا ايه ديلفرى ولا هتعرف تظبطلنا اكل كويس

الابن: متقلقيش منال السكرتيره الخاصه بيا ساكنه فى نفس العمار الشقه الى قصادى على طول وهيا  الى هتعمل كل حاجه!!☺
                                                            ⇩⇩⇩⇩⇩⇩⇩⇩⇩⇩⇩

انا وهوا ومنال قاعدين فى الشقه وبصراحه الاكل كان  حلو وابنى ماشالله عليه عمال يكلم عنها طول الاكل لما حسيت انى جايه على شرف منال!.. فقاطعته فى الكلام وقلتله:

الام: ياحبيبى انت بتتكلم عن منال كأنها مراتك للدرجادى بتعزها!!

الاتنين بصو لبعض ودحكو دحكه كدا  متوتره وقالى :

الابن: هوا انا يماما لو هتجوز اخبى عليكى بارده!!..

                            قمت بصتله كدا!!

وقلت ماشى انا عاوزه اشوف شقة منال .. بعد مناقشات مع ابنى واستغرابه وليه عاوزه اشوف الشقه!! قلتله عاوزه اشرب حاجه فى شقتها واغير المنظر يمكن شقتها احلى وتعجبنى اشترى شقه معاكم فى العماره.. 

                المهم روحت الشقه و دبرت مكيده!!

 وبعدين قلتلهم مش هينفع ابات فى اسكندريه ولازم انزل القاهره وودعتهم..

                                                                 ⇩⇩⇩⇩⇩⇩⇩⇩⇩⇩

بعدها بأيام لقيت ابنى باعتلى الايميل دا:

الابن : ماما منال بتقلى انها دورت على  االطبق الفضى ومش لاقياه  انا مش هقول ابدا انك اخدتيه او ماخدتيهوش لكن فى الواقع محدش دخل البيت عندها بعدك اصرف انا  ازاى دلوقتى ؟؟ ..

فرديت عليه وكتبتله:-

الام: حبيبى انا كمان مش هقول انك اتجوزت منال من غير علمى او هيا مجرد سكرتيرتك الى ساكنه معاك فى  نفس العماره لكن الواقع انها لو كانت بتنام فى اوضة نومها فى شقتها كانت  لقيت الطبق تحت بطانيتها !! اصرف معاك انا ازاى دلوقتى☺☺☺✌✌